Եվրոպական բիզնեսների ասոցիացիան (AEB) կանխատեսում է, որ 2023 թվականին առնվազն 5-7 նոր ավտոմեքենաների ապրանքանիշեր կմտնեն ռուսական շուկա: Այս մասին ասել է AEB Ավտոարտադրողների կոմիտեի ղեկավար Ալեքսեյ Կալիցևը։
«Մենք ակնկալում ենք, որ 2023 թվականին կհայտնվեն ևս 5-7 նոր ապրանքանիշեր, կամ նույնիսկ ավելին: Շուկան այս կամ այն կերպ կզարգանա, շուկայի կարողությունները կան, մեքենաների կարիք կա»,- ասել է նա 2022թ. արդյունքներն ամփոփող մամուլի ասուլիսի ժամանակ։
Ըստ РИА Новости-ի` Կալիցևը պարզաբանել է, որ նախատեսվում է ներառել հատկապես չինական արտադրության ապրանքանիշեր։
Ավելի վաղ հայտնի էր դարձել, որ համագործակցություն է նախատեսվում նաև իրանական արտադրողների հետ։